Шымкент қалалық Білім басқармасы биылғы оқу жылының алғашқы жартыжылдығын қорытындылап, маңызды мәселелерді талқылады. Атап айтқанда, апаттық жағдайдағы мектептердің жағдайы, білім беру мекемелеріндегі қауіпсіздік қызметі, жаңа оқу жылына дайындық және білім алушыларды оқулықпен қамту жайы сөз болды. Сондай ақ БАҚ өкілдері тарапынан қойылған сұрақтарға басқарма басшысы жауап беріп, жасаймыз, орындаймыз, жоспарда бар дегеннен аса алмады.
Шаһарда орналасқан НОМЕРІ 33-ші мектеп мекемесі апатты деп танылған. Ал Әл Фараби жекеменшік мектебі мемлекет тарапынан қаржыландырып отыр. Өкінішке орай, бұл мектеп көлем жағынан 600 бала қабылдауға ғана қауқарлы. Десек те бүгінгі таңда 2000- ға жуық бала білім алуда. Білім басқармасының басшысы жаңа оқу жылында апатты деп танылған мектептің оқушылары қосымша бөлінген ғимараттарда білім алатынын атап өтті.
Еске сала кетсек, білім басқармасының басшысы қоғамдық кеңестің жиынына қатыса алмаған болатын. Бүгінгі брифингте ұйымдастыру жағы бір жолға қойылмағанын айтып, кеңеске келе алмауының себебін түсіндірді.
Қазіргі таңда Шымшаһарда 260 мыңға жуық оқушы бар. Ағымдағы жылы 26979 бала 1 сыныпқа қабылданды. Ал «Мектепке жол» акциясы аясында 56183 оқушыға демеушілер тарапынан 75 млн теңге бөлініпті.
Білім басқармасының басшысы жүзеге асырылып жатқан пилоттық жоба жайына да тоқталып өтті. Басқарманың мәліметінше, ваучерлік жобаның басты мақсаты — балабақшадағы орын жетіспеушілігін шешу және сапалы мектепке дейінгі біліммен қамтуды арттыру.
Өткен оқу жылында жіберілген кемшіліктер шаш етектен. Биылғы оқу жылында сол олқылықтар қайталанбасына кім кепіл береді? Десекте шырылдауық шегіртке ыршып жүріп ән салған, көгалды қуып гөлайттап, қызыпен жүріп жазды алғанның керін кимесек игі.
