Түркістан облысының полицейлері тұрғындарды 5 млн теңгеге сан соқтырған күдіктіні ұстады. Алаяқтардың құрбаны болған Түркістан облысының тұрғындары полицейге көрсеткен көмегі үшін алғыстарын білдірді.
Түркістан облысы Төлеби ауданының тұрғындары аудандық полиция бөлімінің тергеушісі Дінмұхамед Әбдәкімге қылмысты ашудағы көрсеткен жеделдігі мен кәсібилігі үшін алғыстарын білдірді. Жәбірленушілердің айтуынша, “зейнетақы алуға көмектесемін”, “мемлекеттен қайтарымсыз грант алып беремін” деген бейтаныс әйелдің жалған сөзіне сеніп, берген ақшаларынан айырылып қалған. Тергеу барысында тергеуші Дінмұхамед Әбдәкім күдіктінің алаяқтықтың үш фактісіне қатысы барын, жәбірленушілерге келтірілген шығын көлемі 5 миллион теңге екенін анықтады. Нәтижесінде қылмыстық іс материалдары сотқа жіберіліп, қаражат жәбірленушілерге қайтарылды.
