Мәдениет министрлігі онлайн-платформаларға қатысты бірқатар өзгерістер әзірлеп, «Онлайн-платформалар және онлайн-жарнама туралы» заңға жаңа норма қосуды көздеп отыр.
«Онлайн-платформаларда пайдаланушы ретінде тіркелуге 16 жасқа дейін рұқсат берілмейді. Бұл талап жедел хабар алмасу сервистеріне қолданылмайды», — делінген жаңа түзетуде.
Министрлік бұл өзгерістің негізгі мақсаты — балаларды әлеуметтік желілердегі зиянды контенттен қорғау екенін айтады. WhatsApp сынды мессенджерлер бұл талапқа кірмейді.
