Шараға өз тәжірибесімен бөлісуге келген ұстаздардың бірі – Майра Галиева. 29 жылдық еңбек өтілі бар бұл білікті педагог республикалық және қалалық байқаулардың жеңімпазы.Майра Галиеваның айтуынша, оқушылардың білімге деген қызығушылығын арттыру – әр ұстаздың басты міндеті. Ол осы бағытта өз тәжірибесінде қолданатын тиімді әдістерімен бөлісіп, әріптестеріне оқушылардың шығармашылық қабілетін дамыту мен сабаққа ынтасын оятудың маңыздылығын түсіндірді. Сондай-ақ оқушылармен бірге қазақ әдебиетінің көрнекті туындысы – Медеу Сәрсекеннің «Қаныш Сәтбаев» роман-эссесіне талдау жүргізіп, мазмұнды сабақ өткізді.Сабақ барысында ұстаз оқушыларға тұлғаның өмірі мен ғылыми жетістіктерін тереңірек таныстырып, шығарманың идеялық мазмұнына терең талдау жасады.
«ҮЗДІК САБАҚ — САПАҒА ҚАДАМ»
