27 қаңтарда сағат 22-01-де Алматы қаласының өрт сөндірушілері Әуезов көшесі бойындағы үш қабатты әкімшілік ғимараттағы өртті сөндіруге аттанды. Қызыл жалын иектеген аумақтың көлемі әлі белгісіз. Оқиға орнында құтқарушылар жоғары дәрежедегі дабыл белгісі бойынша жұмыс істеуде.
«Зардап шеккендер туралы ақпарат 112-ге түскен жоқ. Оқиғаның мән-жайы анықталуда», делінген хабарламада. Төтенше жағдайлар министрлігі күштері шақыру түскен сәттен бастап 24 минут ішінде, яғни 22-33-те өртті оқшаулау мүмкін болғанын нақтылады. Сәйкесінше, өрттің жақын маңдағы ғимараттарға таралуына жол берілмеді.
