Тұран ауданында жол жөндеу және көлік инфрақұрылымын жақсарту жұмыстары белсенді түрде жүзеге асуда. 2024 жылы аудан бойынша 42 көше асфальтталып, 49 көшеге шағал тас төселді. Ал 2025 жылы 23 көшеге 20 шақырым шағал тас төсеу жоспарланса, 59 көшеге 42,8 шақырым орташа жөндеу (асфальттау) жұмыстары жүргізіледі.
Сонымен қатар, 2024 жылы 39 көшеге 21,3 шақырым аяқжол төселсе, 2025 жылы 35 көшеге 21,1 шақырым аяқжол салу жоспарланған. Жаңбыр суының кедергісіз ағуын қамтамасыз ету мақсатында 2024 жылы 33 көшеге 13,9 шақырым ирригация жүйесі орнатылса, 2025 жылы тағы 5 көшеге 2,95 шақырым ирригация жүйесін салу көзделіп отыр.
Аудан көшелерін жарықтандыру бойынша 2024 жылы 681 көше жарықтандырылып, қамту көрсеткіші 95%-ға жетті. 2025 жылы бұл көрсеткіш 100%-ға жеткізіліп, барлық көшелер жарықтандырылатын болады.
