13 апреля, 2026

aspan

ШЫМКЕНТТІК СТУДЕНТ АРМРЕСТЛИНГТЕН «ӘЛЕМ КУБОГІН» ЖЕҢІП АЛДЫ

by Телеарна ХанТВ0188

Өзбекстанның астанасы Ташкент қаласында армрестлингтен өткен жарыста Шымкенттегі Жұмабек Ташенов атындағы университет студенті Нұрислам Амангелдіұлы «Әлем кубогын» жеңіп алды, деп жазады Egemen.kz.
Өзбекстан, Украина, Индия, Молдова, Иран, Қырғызстан, Қытай, Грузия мемлекеттерінен келген спортшылырмен күш сынасқан Нұрислам алдына жан салмады.
«Университетімізде сапалы білім алумен қатар, спортпен айналысуға мүмкіндік жасалған. Отызға жуық түрлі студенттік үйірме мен клубтар жұмыс істейді. Соны ішінде қол күресі үйірмесінде 40-қа жуық білім алушы жаттығады. Қол күресінде білек, иық, қолдың барлық бұлшық еттеріне арналған арнайы жаттығулардың маңызы зор. Бұл орайда қолдың, білектің күш-қуатын арттыру үшін кір тасымен, зілтемірмен, резеңкемен көптеген жаттығулар жасаймын. Раунд немесе кезең деген болмайтын армрестлинг спортында бар күшіңді, бар өнеріңді санаулы секундта көрсете білуің қажет. Білектің күшінен бөлек, жүректің де, ақылдың да алар орны ерекше. Санаулы секундта тәсілдерді тиімді пайдалану үшін бәрін бір сәтте іске қосуың керек», дейді Әлем кубогының иегері.
Айта кетейік, армрестлингтен Әлем кубогы жарысында ел намысын қорғаған шардаралық 48 спортшы да алтын медаль жеңіп алды.

ҚАТЫСТЫ ПОСТТАР

ТҰРҒЫНЫНАН ІРІ КӨЛЕМДЕ ҚАРАСОРА ТӘРКІЛЕНДІ

Телеарна ХанТВ

«ҰЛТТЫҚ ЖОБА» ЖҮЗЕГЕ АСЫРЫЛУДА

Телеарна ХанТВ

«AMANAT» ПАРТИЯСЫ: «ҚОЛДАУ ТАППАДЫМ» ДЕГЕН АЗАМАТ ДЕПУТАТТАН КӨМЕК СҰРАП КЕЛДІ «AMANAT» партиясы Шымкент қалалық филиалының Қоғамдық қабылдау бөлмесінде мәслихат депутаты, фракция мүшесі Муфтулла Қонақбаев «Құқықтық көмек» партиялық жобасы аясында тұрғындарды жеке мәселелерімен қабылдап, олардың арыз-шағымдарын тыңдады. Қабылдауға келген тұрғындардың басым бөлігі инфрақұрылым, құқықтық және әлеуметтік салаға қатысты түйткілдерін жеткізді. С.Тасқараев есімді азамат мемлекеттік грант ала алмай жүргенін айтып, шағымданды. Оның айтуынша, кәсіп бастайтындарға берілетін мемлекеттік қолдауға қол жеткізуге бірнеше айдан бері тырысып жүр. «Мен өзімнің жобама қолдау таппай келемін. Мемлекеттік грантты тек танысы барлар ғана алып жатқанын естуші едім, енді өзім осы мәселеге кезігіп отырмын», – деді ол. Мәселенің мән-жайын тыңдаған депутат Жұмыспен қамту және әлеуметтік қорғау басқармасының басшысына тікелей телефон шалып, түсініктеме беруін сұрады. Басқарма басшысы бұл іс арнайы комиссия қарауында екенін, оған ешкімнің тікелей араласа алмайтынын жеткізді. Муфтулла Қонақбаев азаматқа: «Өзіңіз көріп отырғандай, басқарма басшысымен сөйлестім. Енді жобаңызды алып, аталған мекемеге барсаңыз, сіздің өтінішіңізді қайта қарайды. Егер берілген жауапқа қанағаттанбасаңыз, депутаттық сауал жолдап, бақылауыма аламын. Бірақ барлық мәселе тек заң аясында шешілетінін түсінуіміз керек», – деді. Қабылдау барысында «Рахима Бегім» балабақшасында жұмыс істеп, еңбекақысы мен еңбек демалысына төленетін қаржысын ала алмай жүрген бірнеше қызметкердің мәселесі де көтерілді. Депутат тиісті мекемелерге хабарласып, әр шағымды жеке зерделеп, шешу жолдарын қарастыруды тапсырды. Сондай-ақ, балалар ойын алаңшаларының жетіспеушілігі, әлеуметтік көмек алу мәселесі секілді басқа да өтініштер қабылданып, депутат жауапты әкімдікке хабарласып, түйткілдердің шешілуіне ықпал етті. «AMANAT» партиясы азаматтардың құқықтарын қорғауға және олардың мәселелерін шешуге бағытталған мұндай қабылдауларды алдағы уақытта да жалғастырады. #qazaqstan, #weqazaqstan, #бізqazaqstan

Телеарна ХанТВ