ШЫМКЕНТТЕ 147 МЕКТЕП БІР КҮНДЕ КҮЗЕТШІСІЗ ҚАЛДЫ. СЕБЕБІ, ҚАЛАДАҒЫ БІЛІМ ОШАҚТАРЫНДАҒЫ ҚАУІПСІЗДІКТІ ҚАМТАМАСЫЗ ЕТЕТІН КҮЗЕТ АГЕНТТІКТЕРІНІҢ БАСЫМ БӨЛІГІ 1-НАУРЫЗДАН БАСТАП ӨЗ ЖҰМЫСЫН ТОҚТАТҚАН.
ШЫМКЕНТ ҚАЛАСЫНДА ЖАЛПЫ ОРТА БІЛІМ БЕРЕТІН 150 МЕМЛЕКЕТТІК МЕКТЕП БАР. АЛ САЛАҒА БӨЛІНЕТІН БЮДЖЕТТІҢ ЖЕТІСПЕУШІЛІГІ, МАРДЫМСЫЗ ЖАЛАҚЫ ОҚИҒАНЫҢ ОРЫН АЛУЫНА БАСТЫ СЕБЕП. ӨТКЕН ЖЫЛЫ ТАБЫСЫ КҮН КӨРІСІНЕ ЖЕТПЕЙТІН АГЕНТТІКТЕР БАСҚАРМАҒА ЖАНАЙҚАЙЫН ЖЕТКІЗІП, НӘТИЖЕСІН КҮТКЕН. «БҰЛ МӘСЕЛЕНІҢ УАҚЫТША ШЕШІМІ МЫНАДАЙ БОЛМАҚ, КОНКУРС ШЕІМІ БІТКЕНГЕ ДЕЙІН БАРЛЫҚ МЕКТЕПТЕРГЕ ҚОСЫМША ШТАТ БІРЛІКТЕРІН БЕРЕМІЗ. ӘР МЕКТЕПКЕ 3 АДАМНАН БӨЛІНЕДІ. АЛ КОНКУРС РӘСІМІ АЯҚТАЛҒАН СОҢ, ТАЛАПҚА САЙ ҰТҚАН КҮЗЕТ КОМПАНИЯСЫ АРЫ ҚАРАЙ ЖҰМЫСЫН ЖАЛҒАСТЫРАДЫ» ДЕП МӘЛІМДЕДІ ШЫМКЕНТ ҚАЛАСЫ БІЛІМ БАСҚАРМАСЫНЫҢ БАСШЫСЫ, НҰРГҮЛ ШАМШИЕВА. БІЛІМ БАСҚАРМАСЫНЫҢ БАСШЫСЫ МЕМЛЕКЕТТІК САТЫП АЛУ ІСІ ҚАЙТА ЖАНДАҒАНҒА ДЕЙІН МЕКТЕПТЕРДІҢ КҮЗЕТСІЗ ҚАЛМАЙТЫНЫН АЙТТЫ. ОЛ БАЛАЛАРДЫҢ ӨМІРІ МЕН ҚАУІПСІЗДІГІН ӨЗ МОЙНЫНА АЛАДЫ.
