Түркістан облысының полициясы жедел-іздестіру шаралары барысында, синтетикалық есірткі қойып кетуші шымкент қаласының тұрғынын ұстады. жедел уәкілдер скутер мінген жігітті тексеру кезінде, шымкент қаласы тұрғынының сөмкесі мен қалтасынан 130-дан астам синтетикалық есірткі салынған ораманы тапты. Ал үйін тінту кезінде “синтетикаға”, сондай-ақ гашиш пен марихуанаға ұқсас ұнтақ заты бар 8 ораманы тәркілеген. Полиция қызметкерлері тәркілеп алған синтетикалық есірткі мефедронның 200 дозасын құрайды. Қазіргі уақытта осы факті бойынша қылмыстық іс қозғалды. Күдікті қамауға алынып, тергеу жұмыстары аясында барлық жағдайлар анықталып жатыр.
