Шымкентте көктемгі сенбілік жұмыстары басталды! Қала әкімдігінің ұйымдастыруымен өткен бұл ауқымды шараға 150-ге жуық қызметкер мен 10-нан астам арнайы техника жұмылдырылды. Шара аясында көшелер, аулалар, қоғамдық орындар қоқыстан тазартылды.
Қалалық жайлы ортаны дамыту басқармасының ұйымдастыруымен өткен сенбілік Әл-Фараби және Тұран аудандарының тоғысқан жерін қамтыды.Шараның мақсаты халық арасында қоғамдық мәдениетті арттыру, қоғамдық орындарда азаматтардың мүлікке ұқыпты қарауға шақыру болды.
Президент Қасым-Жомарт Тоқаев қалалар мен ауылдық елді мекендерді жинау, абаттандыру және көгалдандыру жөніндегі жұмысты жандандыруды тапсырды. Ол өз сөзінде бұл жұмысқа тұрғындар мен еріктілерді тартудың маңыздылығын атап өтті. Қалада тазалық жұмыстарына бойынша өткен жылы 230 мыңнан аса қызметкерлер мен жастар белсенділік танытып, 18 мың тоннадан астам қоқыс шығарылып, 150-ден аса техника жұмылдырылған. Алда бұл жұмысты үздіксіз жалғастыру жоспарланып отыр.
