Түркістан облысына ҚР Энергетика вице-министрі Құдайберген Арымбек жұмыс сапарымен келіп, тауарлық газ бағасын қалыптастыру сұрағына байланысты өңір жұртшылығымен кездесу өткізді. Кездесуде ҚР Энергетика вице-министрі Құдайберген Арымбек тауарлық газ бағасының қалай қалыптасатыны жайында халықты құлақдар етті.
Ұлттық компания қолданыстағы қазіргі бағалармен газды сатып алу, тасымалдау және республика аумағында тарату шығындарын толығымен жаба алмай отыр. Газ бағасының тиімді болуын қалыптастыру — газ инфрақұрылымын дамыту мен модернизациялауға қаражат бөлуге мүмкіндік беріп, жеткізілімнің тұрақтылығын арттыруға және өңірлердің газдандыру процесін жеделдетуге жәрдемдеседі.
Сондай-ақ геологиялық барлау және көмірсутектерді қайта өңдеу сияқты салаларға инвестициялар тартуға мүмкіндік тудырады, бұл — саланың ұзақ мерзімді тұрақтылығын қамтамасыз етеді, — деген вице министр газ бағасының қалай қалыптасатыны жайында халықты құлақдар етті .Жергілікті тұрғындар вице-министрге сұрақтарын қойып, жауаптарын ала алды.
