Абай облысында биыл сұранысқа ие мамандықтарға 200 әкім гранты бөлініп, олардың әділ әрі әдістемелік тұрғыда дұрыс бөлінуін аймақ басшысы Берік Уәлидің өзі бақылауда ұстаған.Облыс әкімі Семейдегі «Ес-Аймақ» рухани орталығында жергілікті бюджет есебінен берілген білім грантының иегерлерімен кездесті.
Шараға өңірдегі жоғары оқу орындарының ректорлары, колледж және мектеп директорлары, басқарма басшылары, студенттер қатысты.Білім гранттарын бөлу бағдарламасы алғаш рет 2023 жылы қолға алынған болатын. Ал биыл тұңғыш рет «Журналистика» және «Стоматология» мамандықтарына да грант қарастырылып, жаңа кадрларды даярлауға жол ашылды.Айта кетерлігі, республика көлемінде біздің облыс 200 грантпен алдыңғы алты өңірдің қатарынан көрінді.Берік Уәли грант иегерлерін құттықтап, жастардың алған білімін туған елдің дамуына арнау – басты мақсат екенін ерекше атап өтті.
