БҮГІНГІ ҚОНАҒЫМЫЗ ТАКСИ ЖҮРГІЗУШІСІ ҚЫЗЖАН АХМЕТҚЫЗЫ.
ӘУЕЛІ ЖҰМЫССЫЗДЫҚТЫҢ СЕБЕБІНЕН БАСТАҒАН БҰЛ КӘСІП ҚАЗІР ҚЫЗЖАН ХАНЫМНЫҢ СҮЙІКТІ ІСІНЕ АЙНАЛҒАН. 12 ЖЫЛ БОЙЫ СЕНІМДІ СЕРІГІ «TOYOTA CAMRY» АВТОКӨЛІГІМЕН ТАРАЗ, ШЫМКЕНТ ЖӘНЕ АЛМАТЫ ҚАЛАЛАРЫНДА ТАКСИ ҚЫЗМЕТІН АТҚАРЫП КЕЛЕДІ.
НЕГІЗГІ МАМАНДЫҒЫ ЗАҢГЕР БОЛҒАНЫМЕН, КӨҢІЛІ ӨЗГЕ КӘСІПТІ ҚАЛАҒАН БОЛАР. ТЕЛЕАРНАМЫЗҒА БЕРГЕН СҰҚБАТЫНА СҮЙЕНСЕК ЕЛІМІЗДІҢ БҮКІЛ ӨҢІРІНДЕ КӘСІБІН ДӨҢГЕЛЕТІП КӨРІПТІ. АЛАЙДА ТЕК БАЙҚОҢЫР ҚАЛАСЫНДА ТОҚТАЛМАҒАН КӨРІНЕДІ. СОНЫМЕН ҚАТАР ТАКСИ ІСІНЕН БӨЛЕК ӘЛЕУМЕТТІК ЖЕЛІСІН ДЕ БІРГЕ ДАМЫТАДЫ ЕКЕН. КҮНДЕЛІКТІ ЖАСАП ОТЫРҒАН 30 000-40 000 ТЕҢГЕ ТАБЫСЫНЫҢ 30% СТУДЕНТТЕРГЕ БӨЛІП БЕРЕДІ. ОСЫЛАЙША СТУДЕНТТЕРДІҢ ЖАСТЫҒЫН, ОЛАРДЫҢ ОТБАСЫНАН ЖЫРАҚ ЖҮРУІНЕ ТҮСІНІСТІК ТАНЫТЫП ҚАЙЫРЫМДЫЛЫҚ ШАРАСЫН ӨТКІЗЕДІ. ОНЫМЕН ҚОСА ОТБАСЫНА АЯУЛЫ АНА БОЛА БІЛГЕН ҚЫЗЖАН АХМЕТҚЫЗЫНЫҢ БІР ҚЫЗЫ МЕН ҰЛЫ БАР. ҰЛЫ ЖЕКЕ ШАҢЫРАҚ КӨТЕРГЕН. АЛ ҚЫЗЫ 9-СЫНЫП ОҚУШЫСЫ. СОНДАЙ-АҚ ҚЫЗЖАН ХАНЫМ КӨЛІГІ ЖОЛДА БҰЗЫЛҒАН ЖАҒДАЙДА ЕР АДАМНЫҢ КӨМЕГІНСІЗ ӨЗІ ҚИНАЛМАСТАН ЖӨНДЕЙТІНІН ЖАСЫРМАДЫ. СОЛ БІР ТАКСИ КӘСІБІМЕН ОТБАСЫН АСЫРАП ОТЫРҒАНЫН ТІЛГЕ ТИЕК ЕТЕ ОТЫРЫП, БҰЛ МАМАНДЫҚТЫҢ ҚЫЗЫҒЫ МЕН ШЫЖЫҒЫ БІРГЕ ЖҮРЕТІНІН АТАП ӨТТІ. ТІПТІ, КЕЙДЕ АТА-АНАСЫНЫҢ БҰЛ КӘСІБІНЕ ҚАРСЫ БОЛҒАНЫН ДА ЕСІНЕ АЛДЫ. СҰХБАТ СОҢЫНДА ӨМІРЛІК ТӘЖІРИБЕСІНЕН ЖАСТАРҒА БІРЕР КЕҢЕС ҰСЫНДЫ. «ЕШҚАШАН АРТҚА ҚАЙТПАЙ, СЫНБАУ КЕРЕК. ЖҰМЫС ІСТЕЙМІН ДЕГЕН АДАМҒА МІНДЕТТІ ТҮРДЕ КӘСІП ТАБЫЛАДЫ. БАСТЫСЫ ТЕК АЛҒА ҰМТЫЛУ КЕРЕК» ДЕП ДӘЙЕКТЕДІ ҚЫЗЖАН АХМЕТҚЫЗЫ.
