Бүгінгі жарыс күнінде Шымкент қаласының спортшылары Жапонияда өтіп жатқан XX жазғы Азия ойындарында жоғары нәтиже көрсетіп, ел қоржынына төрт қола медаль қосты.
Нысана көздеу: София Шульженко мен Елизавета Безрукова Қазақстан әйелдер құрамасының сапында командалық сайыста қола жүлдеге ие болды.
Байдарка және каноэде есу: Шымкенттік Стелла Суханова 500 метрге бірлік-байдарка жарысында мәреге үшінші болып, Азия ойындарындағы екінші жүлдесін еншіледі.
Байдарка және каноэде есу: Сергей Емельянов пен Руфина Искакова аралас екілік-каноэде 500 метр қашықтықта қола медаль жеңіп алды.
Семсерлесу: Қуаныш Эргашбай Қазақстан ерлер құрамасының сапында қылыштың командалық сайысында қола жүлдегер атанды.
Осылайша Шымкент спортшылары Азиададағы жүлде қорын толықтырып, ел намысын абыроймен қорғап келеді.
