Жамбыл облысы Полиция департаментінде жастар арасындағы нашақорлықтың алдын алу бойынша кеңес өтті. Оған ПД бастығының міндетін атқарушы Мақсат Қанапияев төрағалық етті. Жиында соңғы төрт айдағы профилактикалық жұмыстың қорытындылары шығарылып, алдағы басым бағыттар белгіленді.
Кеңесте жасөспірімдер арасында есірткі таралуының алдын алу үшін құқық қорғау органдары, білім беру мекемелері мен қоғамдық ұйымдардың күшін біріктірудің маңызы ерекше аталды. Мақсат Қанапияев жастарды қорғау үшін алдын ала әрекет етудің өзектілігін атап өтті. Отырыста ІІМ тарапынан профилактикаға үлес қосқан мамандар марапатталды. Қатысушылар үйлестіруді күшейтіп, атқарылып жатқан шаралардың тиімділігін тұрақты бақылауда ұстауға уағдаласты.
