⠀ Жағдай Төле би көшесінде болған. Мәліметке сәйкес екі адам тұрғын үй ауласында тұрған мопедті ұрлап кеткен. Оның иесі полицияға хабар беріп, көмек сұраған.
Желіде оқиға орнында түсірілген видео тарады. Кадрлардан мопедке мінген ер адамның полицейді жол бойында бірнеше метрге сүйреп әкеткенін көруге болады. Полиция қызметкерінің тоқта деген талабына күдікті бағынбай, қашуды жалғастырған. Алайда ұрлықшы алыс қашықтыққа қашып үлгермейді. Басқа көлікке соқтығысып мопедпен бірге жерге құлайды. Сол сәтте аға лейтенант Елдар Тоқташев алған жарақатына қарамастан қылмыскердің қолына кісен салады. Кейін белгілі болғандай, ұсталған азамат кемінде төрт мопед ұрлығына қатысы бар екені анықталды. Қазір күдікті қамауда.
