«АМАNАТ» Фракциясы Үкіметпен қоян-қолтық жұмыс істеді. Салық заңнамасының күмәнді тұстарын бірге талқылады. Осының нәтижесінде, жалпы халықты, бизнес өкілдерін толғандырған қосымша құн салығы бойынша шекті мөлшерді көтеру бойынша ұсыныстарын Үкімет қолдады. Фракция салық заңнамасын жетілдіру үшін 7 бағыт бойынша ұсыныс берген еді. Оның да басым бөлігі Үкіметтен қолдау тапты. Оның ішінде денсаулық сақтау саласы бойынша бюджеттік шығыстар, әлеуметтік маңызы бар азық-түлік тауарларының 19 түрі, отандық кітап шығару, археология саласы қосымша құн салығынан босатылды» осы және өзгеде маңызды мәселелер жөнінде мәжілістің жалпы отырысында «AMANAT» партиясы Фракциясының жетекшісі Елнұр Бейсенбаев кеңінен талқылады.
