Түркістан облысы Мақтаарал ауданында бастауыш сыныбының мұғалімі әділдік іздеп шырылдап жүр. Оның айтуынша, декреттік демалыстан келген оның жұмыс орны сақталмай, жетекшілік еткен сыныбын таратып жіберген. Ал, өз құқығын талап еткен педагогты мектеп әкімшілігі келеке етіп, үстінен күлген көрінеді. Енді барар жері, басар тауы қалмаған ұстаз телеарна тілшілеріне мектептегі біраз былықтың бетіп ашып, бар шындықты жайып салды.
Мадина Байғозиева — Ғабит Мүсірепов атындағы №53 жалпы білім беретін мектепте 10 жылдан бері ұстаздық етіп келеді. Оның сөзінше, 126 күн декреттік демалысқа шығып, қайта жұмысқа келген оның орны мен сағатты мұлде сақталмапты. Тіпті бұған дейінде жетекшілік етіп келген сыныбын да таратып жіберіпті.
Ал, Декреттік демалысы аяқталып, жұмысқа қайта түсетінін ескертіп барған Мадинаға мектептің оқу ісі жөніндегі орынбасары іс-әрекетінің заңсыз екенін айтып, ақысыз демалысқа шық деп мәжбүрлепті.
Осылайша мектеп әкімшілігіне өзінің іс әкеректінің заңды екенін түсіндіре алмаған соң, Мадина Байғозиева Мақтаарал аудандық білім бөліміне ат басын бұрып, мектепте орын алып жатқан заңсыздықтарды жайып салады. Бөлім бөліміндегілер шырылдап шындыққа жете алмай жүрген ұстаздың талабы заңды екенін айтып шығарып салған. Алайда, аудандық білім бөлімі тарапы да мәселені созбалаңға салған көрінеді.
Ал, мектеп директоры орын алған мәселеден хабардар екен. Алайда ол бұғңан дейінде бірқатар сыныптың таратылуы мүмкін екенін ескерткен. Сөйтіп, мектептегі бала санының азаюуына байланысты биыл 3 сынып жабылыпты. Оның ішінде декреттік жұмыстан келген Мадина Байғозиеваның сыныбы да бар.
Мектеп басшысы декретке кеткен педагогтың жұмыс орны сақталуы керек екенін және бұл мәселені реттеу үшін Мадина Байғозиеваға уақытша 8 сағатпен бір ставка тәлімгерлікті ұсынған. Сөйтіп бұл мәселені бар-жоғы 1-2 айда реттеп беремін деп уәде берген..
Ағынан жарылған мектеп директоры 25 жылдық еңбек жолында бұндай мәселенің кездеспегенін айтып қалды. Ең сорақысы мектеп директоры Оқу ісі жөніндегі орынбасары Гүлшат Кобеноаваны жоғары жақтағы кісілердің айтуымен тағайындағанын да жасырмады. Яғни, қазіргі оқу ісі жөніндегі орынбасарды тағайындауға, әлдекімдерің ықпал етуі себеп болыпты.
Директор мектептегі бала санының азаюуын жаңадан бой көтерген жекеменшік мектептердің ашылуымен байланыстырды. Оның сөзінше жеке кәсіпкерлер балаларға барлық жағдайды жасап қойған көрінеді. Сондықтан ата-аналарлдың көбі мемлекеттік мектептен балаларын алып жекеменшік мектепке беріп жатыр екен.
Шағымданушының сөзінше Мектеп директоры Әбдімәлік Шағдаров Білім және Ғылым министрлігінің 57 бұйрғын негізге алмай, білім ұясындағы бос тұрған директордың оқу ісі жөніндегі лауазымына мектептегі бастауыш пәнінің мұғалімін тағайындаған. Мұны өзі де растап отыр.
Мәселенің мән-жайын білмекке Мақтаарал аудандық білім бөліміне табан тіредік. Білім бөліміндігілер декреттік демалыстан келген Мадина Байғозиеваның талабы толық заңды деп отыр. Ал, мектеп директоры декреттік демалысқа шыққан педагогтың жұмыс орынын сақтауға міндетті екенін айтады.
Ал, Мақтаарал аудандық білім бөілімі басшысының міндетін уақытша ақтаушы Қайрат Арап бұл мәселе мектеп директордың тиісті заңнамалармен тәртіптерді білмеуінен және өз ісіне салғырт қарауымен байланыстырды. Яғни, тікелей функционалды міндетін жетік білмейтін мектеп директорына сөгіс берумен ғана шектеліпті.
Аудандық білім бөлімінің басшысының айтуынша Ғабит Мүсірепов атындағы 53 мектеп директорының оқу ісі жөніндегі орынбасары Гүлшат Көбенова 2023 жылдың қазан айында тағайындалыпты. Алайда, білім бөлімінің басшысы Бос тұрған лауазымды орынға конкурссыз қабылданатын болса, ол заңсыз болып есептеледі дейді.
Осылай деген білім бөлімінің басшысы Ғабит Мүсірепов атындағы 53 мектептің білім деңгейі төмен екенін жасырған жоқ. Енді мектепдегі білім сапасын көтере алмай жатқан мектеп директоры мен оқу ісі жөніндегі орынбасарының мәселесі қайта қаралуы бек мүмкін.
Телеарнамыздың түсірілім тобы ауданға жасаған іссапарында бірнеше мектептердің жұмысымен танысқан болатынбыз . Білім ұяларының басым бөлігінде еліміздің ең қастерлі, ең қасиетті саналатын мемлекеттік рәміздерге тиісті деңгейде құрмет көрсетілмегені көңілімізге қаяу түсірді. Тіпті арасында мектеп директорларының өзіне жүктелген функционладық міндеттеін жетік білмейтіндері де болды.
