Түркістанға қатынайтын әуе рейстерінің саны артады. Ішкі туризмді дамыту мақсатында Қостанай –Түркістан және Қарағанды – Түркістан бағыттары бойынша аймаққа екі субсидияланатын әуе рейстері ашылады.
QAZAQ AIR әуе компаниясы әуе сапарларының қолжетімділігін арттыру және ішкі туризмді дамыту мақсатында 4 қаңтардан бастап Қостанай – Түркістан бағыты бойынша және 13 қаңтардан бастап Қарағанды – Түркістан бағыты бойынша аймаққа екі субсидияланатын әуер рейстерін іске қосты. Сондай-ақ 13 қаңтардан бастап Астанадан Түркістанға әуе сапарларын бастау жоспарланған. Рейстер аптасына 2 рет дүйсенбі және сенбі күндері орындалады. Субсидияланатын әлеуметтік маңызы бар әуе рейстерінің құны бір бағытта 31000 теңге. Субсидияланатын әуе рейстерінің құны бір бағытта 20 000 теңге. Субсидияланатын әлеуметтік маңызы бар әуе рейстерінде 14 жасқа дейінгі балаларға әуекомпания 50% көлеміндегі жеңілдік ұсынады.
