Туристер отырған катер өртенді. Бортта қазақстандықтар да болған, бірақ олар жарылыс кезінде суда болғандықтан, аман қалды.
“Катерде 4 қазақстандық азамат болды, бәрі аман, олар демалысын жалғастырып жатыр. Екеуінің паспорттары өртеніп кеткен, ертең консул оларға уақытша құжаттар дайындап береді, сол арқылы елге оралады”, – деп хабарлады ҚР СІМ. Жергілікті БАҚ-тың мәліметінше, жарылыс кезінде бортта тек үш экипаж мүшесі – капитан, инженер және бір жұмысшы болған. Олардың барлығы күйік пен түрлі жарақаттар алған.
