Біршама уақыт өтсе де, Мәжілісте өткен жиынның мәні әлі күнге дейін өзектілігін жоғалтқан жоқ. Сол отырыста мемлекеттік тапсырыспен оқыған мамандардың жұмыспен қамтылу деңгейі қызу талқыланған еді. Мемлекет жыл сайын миллиардтаған қаржы бөліп, болашақ мамандарды дайындайды. Бірақ олардың нақты қанша пайызы еңбек нарығына араласып жатыр? Бұл сұраққа әлі күнге дейін нақты жауап жоқ.
Жиында бұл сауал Саясат Нұрбекке нақты қойылса да бұрмаланған жауап айтылды. Нақты дерек әліге дейін айтылған жоқ. Депутаттар мен қоғам белсенділері осыны сынға алды. Халық қаражатына оқыған түлектердің еңбек нарығына қаншалықты сәтті кірігіп жатқанын білу — бүгінгі күннің өзекті сұрағы.
