Қытайдың Сычуань провинциясында іздеу-құтқару жұмыстары жалғасып жатыр. Цзиньпин ауылында лай көшкіні жүріп, 28 адам жоғалып кетті. 1 адам қаза тапқан. 2 тұрғын жараланды.
Құтқарушылар дрондар мен радарлардың көмегімен үйінді астында қалғандарды іздеп жатыр. Бірнеше үй мен өндірістік ғимарат көшкін астында қалған. Алдын ала мәліметтерге қарасақ, апатқа үздіксіз нөсер жауын мен жергілікті геологиялық ахуал себеп болса керек. Оқиға орнына барған үкімет өкілдері қайта тас көшу қаупі бар екенін ескертті.
