Шымкент қаласы экологиялық тексерулер нәтижесінде жалпы 101 әкімшілік іс қозғалып, оның 86 әкімшілік іс бойынша жалпы сомасы 284,1 млн теңгеден аса айыппұл салынған. Арыз шағымдар негізінен тұрғын үйлер арасында мал ұстау,көршілердің қалдықтарды өртеуі, монша, темір қабылдау пунктері,түнгі мезгілде қала аумағында жағымсыз иістің шығуы, суды, топырақты ластау, бойынша жолданған.Осы және өзгеде атқарылған жұмыс нәтиежсін Экология департаменті басшысы Ермахан Тастанбекұлы баяндады.
3 бөлімнен тұратын депатраментті 10 мемлекеттік қызметші құрайды. Жалпы, 2024 жылдың 12 айында 38 тексеру жүргізілген.Оның ішінде профилактикалық бақылау -15, талаптарға сәйкестігі – 6, жоспардан тыс -17.Оның ішінде, индустриалды аймақтардағы 14 кәсіпорынға тексеру жүргізіп, жалпы сомасы 220 млн теңгеден астам 33 әкімшілік айыппұл салынған.Тексеру нәтижесінде анықталған заңбұзушылықтарды жою туралы 37 нұсқама жолданған.
Департамент тарапынан тексеру тағайындамай,қала, аудан прокуратурасымен,аудандық полиция басқармаларымен, жергілікті атқарушы органдармен бірлескен іс-қимыл нәтижесінде әкімшілік істер қозғалып айыппұлдар салынған. Атап айтқанда, ҚР Бас прокуратурасының тапсырмасы негізінде, қала прокуратурасының Қаулысымен 11 білім беру ұйымдарына тексеріс жүргізу нәтижесінде, 11 жауапты лауазымды тұлғаларға қатысты 20 әкімшілік хаттама толтырылып, 10 әкімішілік іс бойынша 276 мың 900 теңге айыппұл салынып, 10 ескерту берілген. Сондай-ақ қала бойынша 2937 контейнер орнатылған. Пластикалық қалдықтарды жинау үшін 205, құрғақ және ылғалды фракциялар бойынша жинау үшін — 250, құрамында сынабы бар қалдықтарды жинау үшін – 50, нан қалдықтарын жинау үшін – 200 контейнер орнатылған.2025 жылға дейін құрамында сынап бар қалдықтарды жинау үшін жыл сайын 50 контейнер орнату көздел
2025 жылға бекітілген профилактикалық бақылау тізіміне және талаптарға сәйкестігімен бекітілген 16 кәсіпорындарға тексеріс жұмыстарын жасау,қоршаған орта мониторингі аясын кеңейту — қала аумағындағы өзендерге, атмосфералық ауаға және ірі кәсіпорындардың санитарлық қорғау аймағына мониторинг жұмыстарын жүргізу көзделіп отыр.Атап айтқанда Қошқар-Ата, Қарасу өзені суының сапасына және Бадам және Сайрам су өзендеріне мониторинг жүргізілмек.
