2026 жылғы 2 наурыздан бастап Астана, Алматы, Шымкент және облыс орталықтарының әкімдіктеріне қоғамдық орындарды ластаған азаматтарға әкімшілік жаза қолдану құқығы берілді.
Бұған дейін мұндай өкілеттік тек полиция қызметкерлеріне тиесілі болған.Жаңа тәртіпке сәйкес, белгіленбеген орындарға қоқыс тастағаны үшін 10 АЕК көлемінде айыппұл салынады. 2026 жылы бұл сома 43 250 теңгені құрайды. Сондай-ақ құқық бұзушы 40 сағатқа дейін қоғамдық жұмысқа тартылуы мүмкін.
