Бүгін Шымкент қаласы Білім басқармасына қарасты №75 мектеп-гимназиясында ұстаздарға арналған «Өмірмен байланысқан сабақ: функционалдық сауаттылықты дамыту тәжірибесі» атты семинар өтті. Іс-шараның негізгі мақсаты – білім беру саласындағы тәжірибе алмасу және оқушылардың пән тақырыптарын өмірмен байланыстыра отырып, тиімді меңгеру жолдарын талқылау.Семинар барысында мұғалімдер функционалдық сауаттылықты дамытуға бағытталған заманауи әдіс-тәсілдермен танысып, өз тәжірибелерімен бөлісті. Кездесу білім сапасын арттыруға бағытталған пікір алмасу алаңына айналды.
