Шымкент қаласы білім басқармасына қарасты №138 жалпы білім беретін мектепте Әдістемелік орталығының ұйымдастыруымен «Ұшқыр ой алаңы» жобасы іске асырылды. Абай Құнанбайұлының 180 жылдығына орай «Білім, бәсеке hәм болашақ: жас буынның басты құндылықтары» тақырыбында оқушылар арасында қалалық пікірсайыс турнирі өтті. Пікірсайысқа қаланың 80 мектебінен қазақ тілі лигасына 40 фракция қатысты.
Турнирдің мақсаты: Жастар арасында ораторлық мәдениетті, толеранттық тәртіппен азаматтық танымды дамыту. Қоғамдағы маңызды мәселелер аясында жастардың өз көзқарастары арқылы шешім қабылдап, құқықтық сауаттылықты жан-жақты мониторингтік зерттеулер жүргізе отырып пікірсайыс арқылы толыққанды насихаттау. Пікірсайыс қозғалысының дамуына үлес қосу болып табылады. Оқушылар арасында «Үздіктердің үздігін» анықтайтын пікірсайыс алаңын құру.
Пікірсайысқа қатысушы Айханым Айнабек 9 сынып оқушысы. Ол 2 жылдан бері дебатқа қатысатындығын және барлық қыр-сырын меңгергенін жеткізді. Турнир жайында пікірсайысшыл достарынан естіп, қатысуды жөн көрген. Сөзінше әділеттілікке бағытталған уәделердің барлығы бұл турнирдің әділ өтеді деген үмітін жандырған. Сондай-ақ бұл интеллектулады пікірталас мектеп оқушылары арасында өткізілді. Олар «Болашақта қандай мамандық таңдау керек, кімнің дегенімен таңдау керек» сынды маңызды тақырыптарды талқылады.
Сондай-ақ білім ордасында қазақтың ұлттық спорт түрі асық атудан да жарыс өтті. Додаға өңірлік мектептердің оқушылары қатысып, өз бақтарын сынады. Тегінде адам баласы адам баласынан ақыл, ғылым, ар-мінез деген нәрселерімен озады. Осындай пікірталастар жастардың ой-өрісін кеңейтіп, олардың көшбасшылық қабілеттерін дамытады. Білімді, білікті және белсенді жастар – елдің ертеңгі тірегі. Бүгінгі пікірсайыс – соның айқын дәлелі.
