КЕЛЕС АУДАНЫ ОРАЗ АТА АУЫЛЫНЫҢ ТҰРҒЫНДАРЫ ЛАЙ БАТПАҚҚА БАТЫП ОТЫР. КЕҢЕС ЗАМАНЫНАН БЕРІ БҰЛ КӨШЕЛЕРГЕ АСФАЛЬТ МҮЛДЕМ ТӨСЕЛМЕГЕН.
АТАЛҒАН МӘСЕЛЕНІ АУЫЛ ТҰРҒЫНДАРЫ ЖЕРГІЛІКТІ БИЛІК ӨКІЛДЕРІНЕ ТАЛАЙ РЕТ АЙТЫП, ЖАЗБАША ДА АРЫЗ ТҮСІРГЕН. ДЕСЕК ТЕ ЖЕРГІЛІКТІ ӘКІМДІК, НЕ АУЫЛ ОКРУГІНЕН САЙЛАНҒАН ДЕПУТАТТАР ҚҰРҒАҚ УӘДЕ БЕРУМЕН ҒАНА ШЕКТЕЛІП КЕЛЕДІ ДЕЙДІ АШЫНҒАН ТҰРҒЫНДАР. АЙДЫҢ КҮННІҢ АМАНЫНДА ОРАЗ АТА АУЫЛЫНЫҢ НАУРЫЗ КӨШЕСІНІҢ ТҰРҒЫНДАРЫ ЛАЙ БАТПАҚ КЕШІП ЖҮРУГЕ МӘЖБҮР. АЛ ЖАҢБЫР ЖАУСА МҮЛДЕМ ЖҮРУДЕН ҚАЛАМЫЗ ДЕЙДІ. НӘЗИРА ЖАМАЛБЕКОВА 5 БАЛАНЫҢ АНАСЫ. АУЫЛҒА АСФАЛЬТ ТӨСЕЛМЕГЕЛІ БІРНЕШЕ ЖЫЛ БОЛДЫ ДЕП ОТЫР. САЛДАРЫНАН БАЛА ШАҒАМЫЗ ЗАРДАП ШЕГЕДІ ДЕЙДІ. «ОСЫ АУЫЛҒА КЕЛГЕНІМЕ 30 ЖЫЛ БОЛДЫ. ӘКІМШІЛІКТІҢ ЖӨНДЕУ ЖҰМЫСТАРЫН ЖҮРГІЗЕМІЗ ДЕГЕНДЕРІНЕ БІРАЗ ЖЫЛ БОЛДЫ. БАЛАЛАРЫМЫЗ БІР ҚЫС МЕЗГІЛІНДЕ ҮШ АЯҚ-КИІМДІ ТОЗДЫРАДЫ. ОНЫ ЖУЫП ТАЗАЛАУДЫҢ ЖӨНІ МҮЛДЕ БӨЛЕК» ДЕП ШАҒЫМДАНДЫ НӘЗИРА ЖАМАЛБЕКОВА. ЖЕРГІЛІКТІ БИЛІК ӨКІЛДЕРІ БҰЛ ЖӘЙТТЕН ХАБАРДАР. КӨШЕГЕ АСФАЛЬТ ТӨСЕУ ЖҰМЫСТАРЫН ЖҮРГІЗУ ҮШІН ЖАУАПТЫ МЕКЕМЕГЕ ҰСЫНЫС ТА БЕРІП ҚОЙЫПТЫ. СӘУІР АЙЫНАН БАСТАП ЖӨНДЕУ ЖҰМЫСТАРЫ ЖҮРГІЗІЛЕДІ ДЕП СЕНДІРІП ОТЫР. «КӨШЕЛЕРІМІЗДІ КОНКУРСҚА БЕРГЕНБІЗ. АЛДАҒЫ УАҚЫТТА ЖЕҢІМПАЗ АНЫҚТАЛАДЫ. МЕНІҢ САЙЛАНҒАНЫМА 3 АЙ БОЛДЫ. БІРАҚ ЖӨНДЕУ ЖҰМЫСТАРЫНЫҢ ҰЗАҚ УАҚЫТ БОЙЫ ЖАСАЛМАҒАНЫНАН ХАБАРДАРМЫН. СӘУІР АЙЫНЫҢ СОҢЫНДА КОНКУРС НӘТИЖЕСІ ШЫҒАДЫ. СОНЫМЕН ЖӨНДЕУ ЖҰМЫСТАРЫ ҚОЛҒА АЛЫНАДЫ» ДЕДІ «БІРТІЛЕК» АУЫЛ ОКРУГІНІҢ ӘКІМІ, БАҚТИЯР ЖАҚЫПҰЛЫ. ТҰРҒЫНДАРДЫ АЛАҢДАТАТЫН ТАҒЫ БІР ЖӘЙТ КҮЛ ҚОҚЫС МӘСЕЛЕСІ. ҮЙДЕН ШЫҚҚАН ТҰРМЫСТЫҚ ҚАЛДЫҚТАРДЫ ТАСТАЙТЫН ЖЕР ЖОҚ БОЛҒАН СОҢ, ЕСІК АЛДАРЫНАН ШҰҢҚЫР ҚАЗЫП, СОЛ ЖЕРГЕ ТАСТАУҒА МӘЖБҮР. АУЫЛ ӘКІМІНІҢ АЙТУЫНША, БҰЛ БАҒЫТТАҒЫ ЖҰМЫСТАРМЕН 2024 ЖЫЛДЫҢ ҚАҢТАР АЙЫНАН БАСТАП МЕРДІГЕР МЕКЕМЕ КҮЛ ҚОҚЫСТАРДЫ ЖИНАУМЕН АЙНАЛЫСАДЫ ЕКЕН. ӘКІМНІҢ АЙТУЫНША КҮНДЕЛІКТІ ЖҰМЫСТАР ЖҮРГІЗІЛІП ЖАТЫР ДЕЙДІ. АЛ ЖЕРГІЛІКТІ ТҰРҒЫНДАР МҰНЫ ЖОҚҚА ШЫҒАРЫП ОТЫР. «ҚЫРЫМЫЗҒА МАЛ ЖАЙСАҚ, МАЛЫМЫЗ ҚЫРЫЛЫП ҚАЛАДЫ. САРЫАҒАШТЫҢ ҚОҚЫСЫН ДА БІЗГЕ ӘКЕЛІП ТӨГЕДІ. ОБЛЫС ӘКІМІНЕ КІРГЕН СОҢ, ҚОҚЫС АЛАҢЫ ЖАБЫЛЫП, ЕНДІ КӨЛІК КІРМЕЙДІ ДЕГЕН БОЛАТЫН. БІРАҚ ӘЛІ ЖАЛҒАСЫП ЖАТЫР. ҚОҚЫСТЫ ӘЛІ ДЕ ОСЫНДА ӘКЕЛІП ТАСТАЙДЫ» ДЕП ОРАЗ АТА АУЫЛЫНЫҢ ТҰРҒЫНЫ, РҮСТЕМ САЛБЕКОВ ӨЗ НАРАЗЫЛЫҒЫН АЙТТЫ.
АУЫЛ ТҰРҒЫНДАРЫ ЖЕРГІЛІКТІ БИЛІК ӨКІЛДЕРІНІҢ БЕРГЕН УӘДЕЛЕРІНЕ СЕНІММЕН ҚАРАП ОТЫР. УӘДЕЛЕРІ ОРЫНДАЛСА ИГІ. «СЕН САЛАР ДА МЕН САЛАР, АТҚА ЖЕМДІ КІМ САЛАР» ДЕМЕКШІ ЖОЛ ЖӨНДЕУГЕ БӨЛІНГЕН ҚАРЖЫ ҚОЛДЫ БОЛМАСА ИГІ. ТҰРҒЫНДАР ОСЫНДАЙ ПІКІРДЕ.
