Алматы облысында «Алматы — Боралдай — Шамалған станциясы» теміржол өткелінде пойыз бен автобус соқтығысты. Алдын ала мәліметтерге сәйкес, жол-көлік оқиғасы Боралдай кенті маңында болған. Салдарынан алты адам түрлі жарақат алды.
Ведомствоның хабарлауынша, көмір станциясынан шыққан пойыз теміржол өткелінен өтіп бара жатқан. Осы сәтте қоғамдық көлік жүргізушісі пойызға жол бермей, соның салдарынан соқтығыс орын алған. Автобус жүргізушісі жауапкершілікке тартылды. Қазіргі уақытта оқиғаның мән-жайын анықтау үшін тексеру жұмыстары жүргізіліп жатыр.
