Maqsut Narikbayev University-де студенттермен «Қазақстан Республикасының пенитенциарлық жүйесінде халықаралық стандарттарды іске асыру. Азаптауларға қарсы іс-қимыл» тақырыбында диалог алаңы форматында кездесу өтті.
Адам құқықтары жөніндегі ұлттық орталықтың қызметкерлері студенттерге Қазақстандағы Омбудсмен институтының қалыптасу тарихы мен негізгі қызмет бағыттары туралы айтып берді.
Дәріс шеңберінде Адам құқықтары жөніндегі уәкіл үйлестіретін ұлттық алдын алу тетігінің (ҰАТ) қызметі туралы лекцияда айтылды.
ҰАТ жұмыс істеген уақыт ішінде жабық мекемелерді бақылау және азаптаудың алдын алу бойынша елеулі жұмыс атқарылды. Мандатты мекемелердің (ҰАТ бара алатын орындар) саны алғашқыда шамамен 600-ден қазіргі уақытта 3 764-ке дейін өсті.
Алдын ала бару барысында мекемелер мен ұйымдарда ұсталатын адамдарға қатысты азаптаулар мен басқа да қатыгез, адамгершілікке жатпайтын және ар-намысты қорлайтын әрекеттер қолданылғаны туралы белгілер анықталған жағдайда, ҰАТ тобының мүшелері бұл туралы дереу прокуратура органдарына және Уәкілге хабарлайды.
Студенттер мен оқытушылар белсенділік танытып, тиісті сұрақтар қойды, сондай-ақ мұндай іс-шараларды жүйелі түрде өткізу қажеттігін атап өтті.
