Абай облысында өтетін саяси науқанның дайындығы пысықталды.Қазақстан Республикасы Орталық сайлау комиссиясының төрағасы Нұрлан Әбдіров Абай облысына жұмыс сапары аясында мемлекеттік органдардың басшыларымен және жауапты қызметкерлерімен арнайы жиын өткізді. Жиында алдағы Семей қаласының әкімі мен аудандық мәслихаттардың депутаттарын сайлауға дайындық және оны ұйымдастыру мәселелері жан-жақты талқыланды.
Сондай-ақ, сайлау науқанының ашық, әділ және заң талаптарына сай өтуін қамтамасыз ету, ұйымдастырушылық-техникалық жұмыстарды үйлестіру, сайлау учаскелерінің дайындығы, мемлекеттік органдар мен сайлау комиссияларының өзара іс-қимылы сияқты негізгі бағыттарға баса назар аударылды.
