Қазақстандық полицей әлем чемпионы атанды. Қызылорда облыстық ПД Жылдам Қимылдайтын Арнайы Жасақ инспекторы Кемелбек Қабланбек Египеттегі Каир қаласында өткен каратэден ересектер арасындағы әлем чемпионатында жеңіске жетіп, еліміздің абыройын асқақтатты.
Полиция аға лейтенанты спортпен 2009 жылдан бері айналысып келеді. Спорттық жетістіктеріде аз емес, Ол 9 дүркін Қазақстан чемпионы және 2 дүркін Азия чемпионы атанған. Қызылорда облыстық полиция департаментінің басшылығы, ата-анасы, туыстары және достары чемпионды әуежайдан сән-салтанатты түрде шашу шашып қарсы алды, сондай-ақ алдағы спорттық жолына сәттілік тіледі.
