Ливия астанасы Триполиде қарулы қақтығыс қайта жалғасып жатыр. Бұған дейін жанжалдастушы тараптар оқ атпауға келіскен еді. Бірақ Әл-Жазира телеарнасының хабарлауынша, мұнда атыс пен жарылыс дыбыстары естіліп жатыр.
Жергілікті әуежай қызметін уақытша тоқтатқан. Қазір рейстер басқа қалаға жіберіліп жатыр. Мектептер мен университеттер жұмыс істемейді. Шаһардағы ахуалды пайдаланып, ауыр қылмыс үшін сотталғандар түрмеден қашып кеткен. Солтүстік Африкадағы бұл мемлекет астанасындағы жағдай осы аптада ушығып кетті. Оған Президент кеңесі жанындағы қауіпсіздік қызметі басшысының қазасы себеп. Осыдан кейін қалада үкімет жасағы мен қарулы топтар арасында қақтығыс басталып, 6 адам көз жұмған.
