Оңтүстік Кореяның Кёнсандо провинциясында орман өртеніп жатыр. От Сеулден 230 шақырымдай жердегі алқаптан шыққан. Лаулаған жалын 250 гектар жерді күлге айналдырып үлгерген.
Табиғат апатынан 1200 адам қауіпсіз жерге көшірілді. Білім беру ұйымдары уақытша жабылды. Тілсіз жаумен мыңдаған маман күресіп жатыр. Тағы 53 тікұшақ пен арнайы техника қолданылуда. Әзірге зардап шеккендер туралы ақпарат жоқ. Еске салайын, аймақта өткен айда да орманды алқап өртеніп, 30-дан астам адам опат болған еді.
