Олардың жетеуі жасөспірім, екеуі ересек адамдар. Ең қатаң бұлтартпау шарасын таңдауға жасалған қылмыстың ауырлығы себеп болған.
Бұл іс бойынша қажет сараптама тағайындалды. Жан-жақты тергеу жүргізіліп жатыр.
Сондай-ақ жасөспірімдерді тәрбиелеу міндетін орындамаған ата-анаға қатысты қылмыстық іс қозғалды. Бұл дерек бойынша жеке тергеу жүргізіліп жатыр.Бұған дейін Теміртауда қарияның үйіне баса көктеп кіріп, соққыға жыққан жасөспірімдердің видеосы тараған еді. Видеодан 16-18 жас шамасындағы жігіттердің төсектен тұра алмай жатқан қарияны ұрып, бетінен теуіп жатқанын көруге болады. Кейін осы үшін әкімнің орынбасары жазаланған.
