Тараз қаласында экс-полицейдің жаншылған денесі табылды. Мүрдені «Жеңіс» саябағының жанынан өтіп бара жатқан әйел көріп қалған. Марқұмның басы жаншылып, саусағы кесілген. Бұл азамат қорлықпен өлтірілген болуы мүмкін.
Осы іске қатысты ішкі істер қызметкерлері арнайы зерттеу жұмыстарын жүргізуде. Әзірге марқұмның 44 жаста екені, сонымен қатар ол бұрын полиция қызметкері болғаны белгілі болды. Алдын ала мәлімет бойынша ол ажырасқан соң ішімдікке салынып, үй-күйсіз жүрген. Жеті жылдан бері тұрақты баспанасы болмаған. Соңғы уақытта ішімдікке салынған адамдармен араласып жүрген.
