Шымкентте күміс қалам республикалық жас жазба ақындар дуэлі өтті. Төртінші рет ұйымдастырылып отырған іс-шараға республиканың бірнеше өңірінен келген ақындар қатысты. Қала әкімдігінің қолдауымен өткізілген кешке еліміздің құрметті азаматтары мен халық қалаулылары қазылық етті. Толығырақ алдағы сюжетті.
Түркістан облысының атынан келген ақын Мұқағали Кенжетайұлы аталған шараның маңыздылығын атап өтті. Оның айтуынша бұл жоба жас ақындардың шығармашылығын шыңдап жаңа туындылардың өмірге келуіне септігін тигізеді. Жыр бәйгесінің маңызы зор себебі мұнда берілген тақырып аясында ғана өлең оқу емес. Мұнда ақындар қалың көрермен алдында сыналады.
Күміс қалам республикалық жас ақындар мүшәйрасының бастау алғанына биыл төртінші жыл толып отыр. Айта кетейік жыр бәйгесіне осыған дейін 100-ге жуық жас ақындар қатысқан. Түрлі тақырыпты қозғаған жыр додасына белгілі айтыскер ақындар мен мәдениет саласының мамандары әділ бағасын беріп, қазылық етті.
Биыл қазақ балалар әдебиетінің классигі, ақын Өтебай Тұрманжанұлының туғанына 120 жыл толды. Айтулы күн қарсаңында өткізілген шараның мәні де маңызы да зор. Республиканың бірнеше өңірінен келген үздіктерге қомақты сыйақылар да қарастырылған. Бас жүлдені иеленген ақынға күміс қалам табысталып, 1 млн теңге көлемінде сый берілмек.
