АҚШ президенті Дональд Трамп Йемендегі хуситтерге қарсы «қатаң және қуатты» әуе шабуылдарын бастағанын мәлімдеді. Ол бұл шешімін хуситтердің Қызыл теңіздегі кемелерге шабуыл жасауымен түсіндірді.
«Хуситтерге ескерту: Шабуылдарыңды бүгіннен бастап тоқтатыңдар. Әйтпесе, бұрын-соңды көрмеген тозақты бастарыңнан өткересіңдер!», — деді Трамп. АҚШ әскері хуситтердің базаларына, жетекшілеріне және қорғаныс жүйелеріне соққы жасап жатыр.
Хуситтер АҚШ-ты «қатігез агрессия» үшін айыптап, қарымта жауап беретінін мәлімдеді. Олардың 30-дан астам адамы қаза тауып, 100-ден астамы жараланған.Хуситтер соңғы айларда 190-ға жуық шабуыл жасап, көптеген кемелердің бағытын өзгертуіне себеп болды. Бұл аймақ әлемдегі маңызды мұнай тасымалдау жолдарының бірі саналады.
