Сыр елі өнердің мөлдір бұлағы болса, оның ішінде Түлкібас – ұлттық салт-дәстүрін, ән-күйі мен жыр-термесін қайнар бұлағына сақтап қана қоймай, дамытып келе жатқан аудан. Бауыржан Момышұлы айтқандай, өнер – адамның рухани азығы, халықтың бүгіні мен келешегі, арманымен қиялы, жалпы болмысы. Жас жеткіншектерді өнерге баулып, үлкен өмірге қанат қағуына аудандық өнер мектебінің қосқан үлесі зор. Алайда аудандағы 50 жылдан аса тарихы бар өнер ошағында неге шу шықты?
Енді мәселені тарқатсақ. Біздің бүгінгі тілге тиек етіп отырған нысана Түлкібас аудандық өнер мектебі. Мұндағы ұстаздар мен ата аналар арнамызға арыздан соң, журналистік зерттеу жүргізуге ауданға келген болатынбыз. Басты себеп киелі өнердің қайнар көзі болып отырған бұл мекемені жылы орнынан көшіру.
Мекеме қанша ескі болса да мұндағы музыкалық аспаптардың жаңғырығы қабырғаларға сіңіп қалған сыңайлы әсер қалдырады. Бөлмелердің акустикасы мен аурасы тыңдарман жүрегін еріксіз өзіне қарай тарта береді. Мұнда 500 астам бала, 10 бағыт бойынша үйірмелерге қатысады.
Шын өнерді түсінетін жан мұндағы әр аспаптың жай күйін, өзіне тән қажетті күтім туралы жақсы білері анық. Ал өнерден алшақ жан мұны қайдан түсінсін…Бұл мәселе туралы көмек сұрап ұстаздар мен ата аналар білім бөлімі мен әкімдіктің жолын тоздырған. Қанша рет көмек сұрап барса да бір де бір рет жауап ала алмадық деп ашынуда.
Телеарнаның түсірілім тобы келді дегенді естігеннен бе?! Әлде Мұндағы жандардың жан айқайы құлақтарына жетті ме?! Жұмыс орындарында болмайтын басшылық құрам тайлы тұғымен бірінен соң бірі Өнер мектебіне жинала бастады.
Әкім орынбасары көшіру туралы басшыларыңыздан ұсыныс түскен деп айды аспаннан бірақ шығарды. Ал ол оны естіген өнер мектебінің ұжымы таңданысын жасармады.
Айта кетейік мұндағы ұжымның көшуіне басты себеп өнер мектебінің апаттық жағдайда болуы. Алайда апаттық жағдайда тұрған мекемеге Ардагерлер ұйымы мен әжелер ұйымы және түрік ассамблеасы орналаспақ екен. Тіпті ардагерлер ұйымының мүшелері бірінен соң бірі келіп ішкі бөлмелерді өз ара бөлісіп те үлгерген. Баршаңызға мәлім Террористік тұрғыдан осал объект болып саналатын мекемеге кім болса солар еркін түрде кіріп жүргені туралы басша бейхабар көрінеді
Жоғарыда аитқандай мекемеден көшудің басты себебі мекеме аппаттық жағдайда болуында. Ал шындығында құжат басқаша сөйледі. Сонда 7 жылдан бері мекеменің құжаттарымен толық таныспастан, қалай сұраныс беріп отыр
Жауапты басшылық құрамнан керек жауабын алғаннан соң, мекемені көшіргелі жатқан ғимаратқа бардық. Ондағы жай күйді өз көзімізбен көрдік. Бұл ғимаратқа алдағы уақытта өнер мектебі, Білім бөлімі және оңалту орталығы көшіріледі деп жоспарланып, құрылыс жұмыстары жүргізіліп жатыр екен. Алайда Өнер мектебі мен оңалтуға ем алуға келген ерекше балалар бір ғимаратқа қалай орналаспақ деп ашынады мұндағы ұстаздар
Телеарна журналистері зерттеу жұмысын жүргізген соң ғана, өнер мектебінің ұжымы өз ғимартында қалатын болып шешілді. Десекте аудандағы шенеуніктер бұл мәселені өз ара шешуге қауқарлары жетпеді ме екен? Халықпен ашықтықта жұмыс жасаймыз деген әкімдік қызметкерлерінің сөзі мен істері бір біріне сәйкес келмейтін сияқты. Бәрін айтта бірін айт.Енді өнер мектебіндегі өрендері өркендей беретініне сеніміміз мол. Ал бұл мәселе телеарнаның жіті бақылауында болады
