Бүгін №135 жалпы білім беретін мектептің ұйымдастыруымен ерекше білімді қажет ететін балаларға арналған “Шектелусіз әлем” атты мерекелік іс-шара өтті. Шараның басты мақсаты – инклюзивті қоғам құруға үлес қосу, балалардың шығармашылық әлеуетін дамыту және олардың қоғамдағы орнын айқындау болды.
Мектепте ерекше білімді қажет ететін 59 оқушы бар. Бұл шара олардың әлеуетін ашуға, өздерін еркін әрі тең сезінуіне жағдай жасауға арналды. Мерекелік шараға балалар мен олардың ата-аналары, мұғалімдер, сондай-ақ қоғам белсенділері қатысты. Жыл сайын балалардың жүзіне қуаныш сыйлау мақсатында түрлі игі шаралар ұйымдастырылып келеді. Ал, биылғы шара еліміздің Тәуелсіздік мерекесі қарсаңында ұйымдастырылып отыр дейді,-мектеп директоры.
Әр баланың бойында білімге,өнерге деген ерекше қабілеттері бар. Сондай-ақ мектепте арнайы Кәусар орталығы ашылған. Бұл орталық ерекше білімді қажет ететін балалардың шығармашылық қабілеттерін дамытуға арналған. Орталықта балалар түрлі қолдан бұйымдар жасап, өз шеберліктерін шыңдауда.Кешке жиналған ата-аналар балаларымен бірге мерекенің әсерлі сәттерін бөлісіп,әрқайсысының талантын мақтанышпен атап өтті.
Балалардың әрқайсысы өз өнерлерін ортаға салып, ата-аналар мен қонақтарға ерекше көңіл күй сыйлады. Іс-шараның соңында балаларға арнайы сыйлықтар табысталды.
Алдағы уақыттада осындай игі шаралар жалғасын табатыны сөзсіз. Себебі, әр балаға қолдау көрсетіп,олардың шығармашылық әлеуетін ашу біздің басты мақсатымыз дейді,-мектеп ұжымы.
