Түркістан облысының әкімі Дархан Сатыбалды «EsVilla Prefabik Hafif Çelik Yapı Sistemleri Ltd. Şti.» компаниясының бас директоры Ибрагим Тюйлюді қабылдады. Кездесуде Түркістанда жаңа зауыт салу мәселесі талқыланды.
Алғаш болып мінберден сөз алған облыс әкімі Дархан Сатыбалды Түркістан қаласының ең көне қалалардың бірі екендігін атап өтті.Жыл сайын жаңашылдықтарға бет бұратын облыс қызметкерлері түрлі жобаларды ұсынуда.Мұнда жаңа инвестициялық жобаларды жүзеге асыруға қолдау жасалғанын айтты.
Ибрагим Тюйлюде Түркістан облысы әкімдігінің делегациясымен Түркияда кездескенін, жобаларды талқылағанын атап өтті. Сондай-ақ алдағы уақыттада тың жобалар жүзеге асып іскерлік байланыс нығаятынына сенім білдірді.
-Сіздің өңірдің делегациясымен Түркиядағы кездесуде Түркістанның инвестициялық әлеуеті туралы ақпарат алдық. Соны көзбен көру үшін арнайы келіп отырмын. «Өндірістік паркті» аралап, ғимараттарды көрдім. Жеделсаты өндірісін жолға қоюды жоспарлап отырмыз. Жобаны жылдам жүзеге асырып, жұмыс істеуге ниеттімін. Бұл кәсіпорында қазақ жастары жұмыс істейді. Қожа Ахмет Ясауи кесенесіне зиярат еттім. Сізді де Түркия еліне маңызды жобаларды бірге талқылауға шақырамын. Іскерлік байланыс нығайып, бауырлас елде инвестициялық жобалар көбейе берсін,
КСМ: Айта кетейік, Түркістан облысындағы арнайы экономикалық аймақ пен индустриалды аймақта, «Өндірістік парк» аумағында инвесторлар тартып, кәсіпорындар ашу жұмыстары жалғасуда. Жыл басынан бері Түркістан облысына 888,5 млрд. теңге инвестиция тартылып, өткен жылды тиісті кезеңімен салыстырғанда 17,7%-ға артты.
