Қазақ поэзиясына ақиқаттың уытына оранған рухты өлеңдермен айрықша леп алып келген ақын Ханбибі Есенқарақызы биыл 75 жасқа толды. Шараға қала әкімі Ғабит Сыздықбеков арнайы құттықтау сөзін сөйледі.
Жүрек төрінен жыр ақтарған ақындар бір-бірінен суреткерлік, өмірлік құбылыстарға болған өзіндік көзқарастарымен ерекшеленеді. Қазақ поэзиясында шабытты шығармашылығымен танылған Ханбибі Есенқарақызының да өзге ақындардан дараланатын тұсы осы. Ол ақындықпен қатар Алаш қайраткерлерінің қаламгерлік мұрасын қайта тірілтуге өз үлесін қосты.
Хан апаның шығармашылығы – терең философиялық ойлар мен нәзік лиризмнің үйлесімі. Оның өлеңдері жүректі тербеп, рухты сергітеді, өмірдің терең мәнін ұғынуға жетелейді. Әсіресе, туған тіл мен дәстүрді ардақтауға арналған шығармалары әр қазақтың жүрегіне жылы тиіп, ұлттық болмысты сақтаудың маңызын ұғындырады
Ақындар мүшәйрасында жүлделі орындарды алған жас ақындар өзінің жыр-толғауларын арнады. Сондай-ақ барша зиялы қауым өкілдері және еліміздің басқа өңірлерінен арнайы Хан апаның қуанышымен бөлісуге келген достары құттықтады.
Сонымен қатар Ханбибі апамыздың шығармашылық жолы тек поэзиямен шектелмейді. Ол – қоғамға ой салып, ұлт мәдениетінің дамуына үлес қосқан қайраткер. Оның әрбір өлең жолында елінің болашағына деген сенімі, жастарына деген үміті, халқына деген шексіз сүйіспеншілігі сезіледі.
Шара да Ханбибі Есенқарақызының сөзіне жазылған халыққа танымал жақында фильм түсірілген «Нурикамал» атты әсем әуені шырқалды.Тек 1 емес бірнеше өлеңдерін Шымкент қаласының концерттік ұйымының әншілері орындады.Өнер саласында жүрген бірқатар майталмандарда өздерінің ыстық ықыластарын білдірді.
Ханбибі Есенқарақызы – қазақ руханиятының шырағын жағып, өшпес із қалдырған алып тұлға. Оның шығармалары қазақ әдебиетінің асыл мұрасына айналып, келешек ұрпақ үшін таусылмас қазына болып қала береді. Кеш соңында халықтың шыншыл ақыны өз өлеңдерінен үзінділер оқып, көрермендерге шынайы алғысын білдірді.
