Грузия астанасы Тбилисиде бейсенбі түнде басталған шеру әлі тоқтаған жоқ. Демонстранттар бүгін де полициямен қақтығысып жатыр.
«Би-Би-Си»-дің дерегіне сай, зардап шеккендердің арасында журналистер мен телеоператорлар да бар. Полицияның арнайы жасағы шеруге шыққандарды парламент ғимаратынан күштеп қуған. Тәртіп сақшылары оларға су бүркіп, газ қаруын қолданды. Ішкі істер министрлігінің мәлімдеуінше, 150-дей адам ұсталған. Ал зардап шеккендердің нақты саны белгісіз. Еске салайық, тұрғындар Үкіметтің Еуроодаққа қосылу туралы келіссөзін кейінге қалдырғанына қарсылық білдіріп көшеге шықты. Әлеуметтік сауалнамаларға сай Еуропа Одағына мүше болуды грузиялықтардың 70-80 пайызы қолдайды.
