Биыл ҚР Мәслихаттарының құрылғанына 30 жыл толып отыр. Осы аралықта билік пен бұқараны байланыстырып,мемлекетіміздің дамуына өзіндік үлес қосып жүрген институттың қоғамдағы алар орны ерекше.Атаулы датаға орай шаһарда арнайы салтанатты жиын өтті. Қала әкімі Ғ.Әбдімажитұлы халық қалаулыларын құттықтап, осы салада еңбек сіңірген, қызмет етіп жүрген бірқатар азаматтар мен БАҚ өкілдері марапаттады.
Осы уақыт ішінде мәслихат депутаттары уақыт ағымымен әрекет етіп,қоғамның өзгерістеріне бейімделді.Халық қалаулылары өңірлердің әлеуметтік-экономикалық дамуына бағытталған шешімдер қабылдап, халық пен билік арасындағы алтын көпірге айналды. Өз сөзінде қала әкімі Ғ.Әбдімажитұлы мәслихаттардың қоғамдағы маңыздылығын атап өтіп, депутаттардың өңірлердің әлеуметтік-экономикалық дамуына қосқан үлесін жоғары бағалады. Сондай-ақ, осы салада ұзақ жылдар бойы адал еңбек етіп келе жатқан бірқатар азаматтарды және ақпарат айдынында елеулі еңбек сіңірген журналистер мен редакция қызметкерлерін арнайы марапаттады.
1994ж 7 наурызда алғаш рет елімізде жергілікті билік органдары маслихат жиналысына қатысып,депутаттар сайлауы өткізді.Алғашқы шақырылымдағы депутаттар өкілетті органдардың жұмыстарын тиімді ұйымдастырып,әрбір мәселеге мұқият үңіліп, терең талдап жаппай талқылау барысында ортақ шешімге қол жеткізді.Осы уақыт аралығында халықтан шыққан депутаттар ауылдар мен қалалардың инфрақұрылымын дамыту, білім беру, денсаулық сақтау, кәсіпкерлікті қолдау сияқты маңызды мәселелерді шешуге белсенді атсалысты. Мәслихаттар арқылы жергілікті тұрғындардың үні естіліп, маңызды шешімдер қабылданды.
Салтанатты шараға әр шақырылымның депутаттары,ардагерлер,қоғам қайраткерлері мен жергілікті әкімшіліктің өкілдері және БАҚ өкілдері қатысты.Шара барысында қатысушылар қалалық мәслихаттың дамуына шолу жасап,депуттар мен жұртышылықтың бірлескен жұмысының арқасында жеткен табыстарды тілге тиек етті. Өңірді дамытудың негізгі мәселелерін шешуге қосқан үлесіне ерекше назар аударылды.
Қала бюджеті алғашында 29 млрд теңгені құраған. Қазір жылына бөлінетін қаржы 734 млрд теңге. 3 ауданнан құралатын қала бұл күнде 5 әкімшілік ауданға жеткен. Халық саны да 700 мыңнан 1 млн 300 мыңға жуықтап отыр.30 жылдың ішінде сайлау тәртібі де өзгеріп отырған.Жиын өнерпаздардың концерттік бағдарламасымен жалғасты. Бұл маңызды мерейтой қаланың қоғамдық саяси өміріндегі ерекше оқиға ретінде есте қалды
