Шымкентте Өнеркәсіп және құрылыс министрлігі өнеркәсіп саласын дамыту мен әртараптандыру бағытында жүзеге асырылып жатқан мемлекеттік шараларды түсіндіру мақсатында арнайы баспасөз туры ұйымдастырылды. Мұндағы мақсат – арнайы экономикалық аймақтардың тиімділігін көрсете отырып, жүзеге асырылып жатқан инвестициялық жобалармен таныстыру және елімізде жасалған отандық өнімді қолдау.
Іс-шара барысында «Dapter Line» ЖШС Дәптер өндіретін жаңа өндірістік жобасы іске асырылу барысы таныстырылды. Аталмыш жобаның жалпы құны 340 миллион теңгені құрап отыр. Өндіріс қуаты жылына 70 миллион даптер өнімін шығаруға қауқарлы. Бүгінгі таңда бұл кәсіпорын 30 адамды тұрақты жұмыс орнымен қамтамасыз етіп отыр. Ал, алдағы уақытта аталмыш өндіріс орнының аумағы кеңейіп, жұмыспен қамтылатын азаматтар саны да едәуір артпақ.
Еліміздің экологиялық өнеркәсіп саласын дамыту бағытында «EKOHIM» ЖШС Тоқ шығарушы дизелді Генератор өндіретін өндірістік жобасы да іске қосылған. Жобаның жалпы құны – 440 миллион теңгені құрайды. Бұл кәсіпорын жылына 350 дана өнім өндіруге қауқарлы. Өндіріс 0,4 гектар аумақта орналасқан және 5 адамды тұрақты жұмыс орнымен қамтамасыз етіп отыр.
Қазақстанда жеңіл өнеркәсіп саласындағы тағы бір ірі жобаның бірі – «SAGITEX GROUP» ЖШС іске қосылды. Жобаның жалпы құны 337 миллион теңгені құрайды. Өндірістің жылдық қуаттылығы – 5 миллион дана өнім. Бұл отандық нарықтағы сұранысты қанағаттандыруға және экспорт әлеуетін арттыруға мүмкіндік береді. Қазіргі таңда кәсіпорын 1 гектар жерді қамтиды және 28 жаңа жұмыс орнын ашуды қамтамасыз етіп отыр.
Бұл жобалар еліміздің өнеркәсібін дамытуға, жаңа жұмыс орындарын ашуға және аймақтық экономиканы нығайтуға айтарлықтай үлес қосады. Министрлік мұндай бастамаларды қолдап, олардың жүзеге асырылуын бақылауды әлі де жалғастырмақ.
