Қайырымдылық жасау қазақтың қанына сіңген қасиет. Қара бастың қамы емес, ерекше жандардың мүмкіндігін кеңейту нағыз ердің ісі. Игі бастаманың жетекшісі Шымкент қаласы мүгедектер қоғамының төрағасы Вадим Торопов. Осыдан 6 жыл бұрын Түркістан қаласында инва такси қызметі өз жұмысын бастаған болатын. Бүгінде бір күн ішінде 160-180 баланы сабаққа тасымалдап, сондай -ақ оңалту орталықтарына, өзгеде мекемелерге дер кезінде жеткізіп отырады.
2019 жылы қайырымды жандардың ұсынысымен Зәуре Айтмурзаева Шымкент қаласына осы сала бойынша 5 күндік оқу курсынан өтіп, Түркістан қаласына келіп өз жұмысын бастайды.
Таңмен таласа басталған жұмыс, кешке дейін үздіксіз жалғасып келеді. Қазіргі таңда жауапты саланың ауқымы кеңейіп облыс аумағына жақын орналасқан Кентау, Сауран аудандарында инва такси өз жұмысын жасауда. Әрин бұл бағытта ауқымды жұмыстар жүргізілгенін айта кету жөн.
Зәуре Айтмурзаева өзі секілді ерекше жандарға қоғамға бейімделудің еш қиындығы жоқ, бастысы адам өз өзін жақсы көрсе, өзіңе жайлы ортаны қалыптастырсаң болғаны дейді.
Еңбек адамы, біздің бүгінгі кейіпкеріміз өздеріңіз көргендей біраз салаларда өзін шыңдап, белін бекем буып жұмыс жасаған жан. Осылайша ол жұмыс барысында көптеген достар арттырып, нәтижесінде жаны жомарт жандардан қолдау тапқанын айтады. Кейіпкеріміз 6 жыл осы салада жұмыс жасап жүріп қызықты оқиғаларға да тап болыпты. Оны есіне түсіріп бір күліп алды.
ЗАУРЕ АЙМУРЗАЕВА ДИСПЕТЧЕР
СТЕНДАП: НҰРИЛА АЛПЫСБАЙ ЖУРНАЛИСТ
