Түркістан облысының әкімі Дархан Сатыбалдының жіті қадағалауымен «Кентау-Сервис» мемлекеттік кірістер комитетінің №5 Жылу энерго орталығындағы 6 қазандықты қайта құру жұмыстары жүргізілуде.БАҚ өкілдеріне Кентау қаласындағы №5 Жылу энерго орталығына баспасөз туры ұйымдастырылды. Түркістан облысы әкімінің бірінші орынбасары Зұлпыхар Жолдасов журналистерге жылу энерго орталығының қазіргі жәй-күйі туралы таныстырды.
Баспасөз туры барысында БАҚ өкілдері қаладағы тұрғын үйлерді аралап, пәтерлерге жылу берілу деңгейін бақылады. Айта кетейік, Кентау қаласында жылу 15 қарашадан бастап берілуде. Бүгінгі таңда орталықта екі ауысымда 150 адам жұмыс істейді.Қала тұрғындарының айтуынша былтыр жылу кеш беріліп,салқын болған.Қазіргі таңда күндіз де түнде де сөніп қалмайтынын және жақсы жұмыс жасап тұрғанын жеткізді.
Биыл Кентау жылу энерго орталығында жобаға сәйкес 6 қазандықты қайта құру жұмыстары жүргізілуде. 2 қазандықты жыл соңына дейін аяқтау жоспарланып отыр. Одан бөлек, 2 қазандықта ағымдағы жөндеу жұмыстары аяқталып, пайдалануға тапсырылды. Қазіргі уақытта 4 қазандықтағы жұмыстар аяқталып, пайдалануға берілді.Сонымен қатар ТГ- 6 турбогенераторының ағымдағы жөндеу жұмыстары аяқталды.Бүгінде қорғау және қосу жүйелерін реттеу бойынша жұмыстар атқарылылуда. Бұл жұмыстар қараша айының соңына дейін аяқталмақ.
