Қалалық орталықтандырылған балалар кітапханасында ұлт руханиятының ірі тұлғасы, жазушы Бердібек Соқпақбаевтың ғасырлық мерейтойына орай «Балалар әдебиетінің қазынасы» атты оқырман конференциясы өткізілді. Аталған жиын пікір алмасуды жеңілдетіп, жаңа әдеби жаңалықтарға шабыт беріп, өлкенің әдебиеті мен мәдениеті әлеміне, тереңірек үңілуге мүмкіндік берді.
Бердібек Соқпақбаев – қазақ балалар әдебиетінің негізін қалаушылардың бірі. Оның «Менің атым Қожа», «Балалық шаққа саяхат» сияқты шығармалары бірнеше буын оқырмандардың жүрегіне жетіп, әдебиет тарихында өшпес із қалдырды. Конференция барысында жазушының өмірі мен шығармашылық жолы жан-жақты талқыланып, оның әдеби мұрасының маңыздылығы ерекое атап өтілді. Сондай бірнеше мектептерден жиналған жас оқырмандар жазушының шығармаларынан көрініс қойып көрерменге ерекше көңіл күй сыйлады.
Конференцияға мектеп оқушылары да белсене қатысты. Әсіресе, Бердібек Соқпақбаевтың шығармаларын сүйіп оқитын жас оқырман Әсия өз әсерлерімен бөлісті.
Бердібек Соқпақбаевтың мерейтойына байланысты барлық мәдени шаралар сәтті өтіп,өскелең ұрпақтың кітап оқуға, әдебиетке деген қызығушылығын оятып, қазақ әдебиетінің дәстүрін сақтауға және жалғастыруға ықпал етуде. Бұндай маңызы бар шаралар оқырмандарды рухани дамытып, жастарды отаншылдыққа, əрі өнегелікке тəрбиелейді.
Шара соңында Соқпақбаевтың шығармашылық жолы туралы баяндамалар оқылды. Жазушының өмірі мен мұрасын зерттеуге арналған жаңа жобалар мен ғылыми мақалалар ұсынылды.Ұйымдастырушылар алдағы уақытта бұндай игі шаралаар жалғасын табатынын айтты.
