№1 Облыстық перинаталдық орталығында үшем дүниеге келді. Осылайша Мыңжасаровтар отбасы 10 перзентпен толықты. Ата-анасы жарық дүниеге есігін ашқан сәбилеріне Қасым,Жомарт және Кемел деп ат қойыпты. Бірден үш перзенттің қуанышына бөленген ананы отбасы және туған туыстары ән-күймен перзентханадан шығарып алды.
Келес ауданы, Абай ауылының 33 жастағы тұрғыны Гүлназ Мыңжасар мерзімінен бұрын 33-ы аптасында босанған. Кейбір қарсы көрсеткіштерге байланысты көпбалалы анаға ота жасалған. Бүгінге дейін батыр ана мен сәбилер дәрігерлердің жіті бақылауында болған. Ерлі-зайыпты Гүлназ бен Бақыттың үшемнен басқа 7 қыздары бар. Үлкені 14-те,кішісі 2-де. Ұл баланы армандап жүргендеріне көп уақыт болған. Үшемге дейін отбасында тағы Арай және Нұрай есімді егіз қыздар бар.
Аталған орталықта 7 айдың нәтижесінде 3834 нәресте дүниеге келген. Олардың 72-і егіз.Былтырғы жылмен салыстырғанда 1045 нәрестеге босану саны жоғарлаған. Ота арқылы дүниеге келген нәрестелерге медициналық көмектің ауадай қажет екендігі анық. Салмақтары 1 келі 965 грамм, 1 келі 925 грамм және 1 келі 985 грамм болып дүниеге келген үшем мамандардың бақылауында болыпты.
Мыңжасаровтардың қуанышын бөлісуге түркістан облысының денсаулық сақтау басқармасының ана мен бала денсаулығын қорғау жөніндегі орынбасары Мадина Мамбетовада келді.Айтуынша Түркістан облысы бала туу көрсеткіші жағынан алдынғы орында.Сондай-ақ 7 айдың нәтижесі бойынша 29 мыңнан аса бала дүниеге келген.Олардың 8-і үшемдер болса,311 і егіздер.
Үшемдердің анасы облыстық перинталдық орталықта жақсы қарап көмектескенін айтып, ақ халатты абзал жандарға алғысын жеткізді. Батыр ананы шығарып алуға отбасы жақындары жиналды. Барлығы жылы лебіздерін білдіріп қуаныштарына ортақтасты.
