Шымкентте Таза Қазақстан акциясы жалғасып жатыр. Экологиялық акция аясында шаһардың маңы күл-қоқыстардан тазартылып, абаттандыру жұмысына 400-ден астам адам жұмылдырылды. Аманат партиясының бастауымен ұйымдастырылған іс-шараға ерікті жастардан бөлек, саяси партия мүшелері мен өнер саласының мамандары да қатысты. Толығырақ акцияға қатысып қайтқан әріптесім тарқатсын.Науқан – елдің экологиялық тазалығын сақтауға бағытталған. Қазіргі таңда жан-жақты қолдауға ие. Игі іске қаламыздың түкпір-түкпіріндегі волонтерлер, қоғам белсенділері мен жастар ұйымы білек сыбана кіріскен. Тазалық жұмыстарына қатысқан 500ге жуық еріктілер арасында жайдарманшы, Миллион командасының мүшесі Мансар Орынхан да бар. Қаланы таза ұстау кез-келген тұрғынның міндеті екенін алға тартқан ол, мұндай іс-шараларға белсенді қатысуға шақырды.
Шаһардың таза болуы маңызды. Тазалық – мәдениет, тәрбие белгісі. Әрі әр азаматтың парызы, деп түсіну керек дейді сенбілікке қатысқандар. Экологиялық науқанға бір кісідей қатысқан белсенділер өздеріне бөлінген аумақтардағы бірқатар нысандардың айналасын күл қоқыстардан тазартты.
Ұйымдастырушылар экологиялық акция алдағы уақытта да жалғасын табатынын айтты. Мұндай іс-шараларға ерікті жастарды ғана емес барлық сала мамандарын жұмылдыру керектігін тілге тиек етті. Себебі акцияның негізгі мақсаты тазалық мәдениетін қалыптастыру, үгіт насихат жұмыстарын жүргізу.
