Шымкент қаласында Қаржылық мониторинг агенттігінің ұйымдастыруымен және қала әкімдігінің қолдауымен Өзбекәлі Жәнібеков атындағы Оңтүстік Қазақстан педагогикалық университетінде қаржылық сауаттылыққа бағытталған ақпараттық-түсіндіру жұмыстарының 3 күні аясында пресс — тур өтті.
Шара барысында студенттерге Шымкент қаласы бойынша Экономикалық тергеп-тексеру департаментінің аса маңызды істер жөніндегі жедел уәкілі подполковник Камилхан Бахтиярұлы Исмаилов дәріс оқып, қаржылық қауіпсіздік, дроп ұғымы, алаяқтық түрлері және қаржы пирамидаларынан сақтану жолдары жайлы кеңінен түсіндірді.
Қатысушылар түрлі интерактивтерге қатысып, сауалнамаларға жауап беріп, ойын түрінде білімдерін сынады. Белсенді ат салысқан қатысушыларға арнайы сыйлықтар табысталды.
Арнайы қонақтар – Сиви Махмуди, Нысана, Machenski жастармен ашық сұхбат құрып, өз тәжірибесімен бөлісті. Олар қаржылық қателіктердің салдарын, дроп болудың қауіпін және қаржы пирамидасы туралы ақпараттармен бөлісті.
